2006 年香港隨著經濟復甦，在一片歌舞昇平的氣氛下欣然告別。

世界經濟學家大都認為未來經濟的火車頭是中國大陸，並許為〔中國之黃金十年〕，作為進入中國唯一跳板的香港，理所當然得天獨厚，坐享其成。估計未來香港特區將以主融主導，銳意開賭 ( 股票市場 ) ，實行與澳門特區互相輝映；阿爺開賭 ，吸引世界各地賭客 ( 基金及機構投資者 ) 一齊嚟香港參加世界賭王大賽。

開賭之大忌是自己不能賭，你看那個世界賭王會是賭徒？有報導話賭王何鴻桑自己都唔多識賭錢，所以才可以成為一代賭王。香港特區政府既銳意轉型為賭場，市民便更加要冷靜，儘量少賭，更加不能借錢賭。你見澳門普通市民會不會日夜在賭場流連？我們應該籍著這機會，發展我們的真正服務性行業，企業融資，地產建設，會計零售，飲食娛樂，醫療藥品，通訊物流等。我們要讓那些對冲基金有 Las Vegas 嘅配套和服務，賓至如歸。咁，佢地輸贏都抵吖！

投資股票，認識多一點經濟知識絕對是好事，而且現時 20000 點並不算很高，因為整個恆生指數計算方法已經完全改變，加上通漲，整體指數是不算高的。

不過，千萬不要被誇張的報導及二流分折員的說話而瞓身大賭，股票永遠跑在經濟之前六個月至一年，我每日返工在車上聽新城財經台， D 聽眾連買左新鴻基地產都唔知係乜，問點解升得咁少？唉！股票市場係 Smart Money 戰場嚟架，咁易賺錢咩？

睇嚟都係匯豐最穩陣，國內發展快人一步，又 揸 著交通銀行、 興業銀行、平安保險集團及上海銀行。 歐美及新興國家發展得好好，進可攻，退可守。 PE 13.5 倍，息率近 4 厘，你睇工商銀行上市，匯豐係 Settlement Bank ，借出 Margin 500 億 ( 息率約 4.75% ) ，其實 D 錢都無離開過匯豐個金庫，就乾賺起碼 2 厘。而家新嘅 IPO 息率仲昇到 7.75% 添。最好賺嘅 Credit Card 業務， 在亞洲，匯豐發卡量已有 1,030 萬張。

我看今次呢個賭局，分分鐘會演變翻版泰國金融風暴嘅可能， D 世界一流對冲基金經理已經晚晚匯聚蘭桂坊，唔係 D Service Apartment 同豪宅點會咁快租晒？不過，胡溫兩位領導人非常能幹，對經濟高瞻遠足，內部儲備強勁；然，中國大陸仍然是世界第一大工廠，有真正的生產力，國內市場又勁大，相信有力控制大局，如果唔係太急進的話，應該贏面會比較大，最担心人賭我賭，個莊 ( 中國大陸 ) 無事，個閒 ( 香港特區 ) 就輸到傾家盪產啫。

宏觀，香港會慢慢變成極高水平及貧富極度懸殊的地方；微觀，香港越來越難與國內地區競爭，會不會逐漸被邊緣化呢？便要看自己了。

香港總商會主席艾爾敦先生 ( 前香港匯豐大班 ) 對未來香港的前景的分折很透徹。他的身份中立，對國際及國內經濟，金融的理解和知識非常豐富 ….. 最重要是意見會比較超然。高盛，大摩，美林，花旗佢地揸咁重貨，接左咁多大國企嘅 IPO ，梗睇到個市好好啦！

最後，祝各位新年進步，財源廣進，萬事如意，身體健康。