記得上個月接受Jassica雜誌訪問暢談 iT 產品，我曾說我想擁有一部正版行貨 iPhone，原因是：第一，總希望明正言順地擁有囉！；第二，水貨維修十分十分不方便，妳知啦，攞部電話去整好危險嘛。可惜，香港正式發售的日子卻無了期的一拖再拖…..
哈！上月底居然有個朋友送了部解左lock 的水貨 iPhone給我，並特別向我聲明…. 【妳只要唔係跌爛部電話，隨便妳點攪都得，妳可放心亂咁 download，亂咁 install，我有好勁嘅technical back up，仲會幫妳終身保養添….妳用住先，六月新款 3G iPhone已經留左俾妳架啦】 呵呵…. 那就好玩囉！
iPhone 是劃潮流，非常 futuristic 的產品，3.5吋 touch screen彩屏配合日益發達的wifi 就如一部 Notebook般；最難得就是它像iPod, iTouch般有很多不同的廠商配合發展 iPhone的兼容周邊配件 ( 產品太受歡迎啦，而且生產量巨大、做周邊產品都賺到盤滿缽滿 )；不單是硬件，針對配合iPhone的軟體更如雨後春筍，日日唔同，將iPhone的功能發揮得淋漓盡至。聽講，蘋果亦計劃在夏天推出更新軟件，令iPhone可以和電郵配合得更好，與BlackBerry和Treo等手機競爭。
Steve Job 真係勁！所以，我朋友說：理論上這是一部〔一步到位〕的終極電話。
小道未經證實消息：iPhone由台商富士康生產，出廠付運時以人造衛星監控整個運輸流程，確保新產品資料不外洩，誓要一嗚驚人。
行貨並有一個安全功能，如遺失了電話，致電 iPhone 報失，只要你遺失的電話被啟動，iPhone便可以馬上刪除你手機內的所有資料……. 那妳就唔怕資料外洩啦，嘻嘻！
拿著 iPhone，我卻有點感概….
- 如果不是 Flash ( 閃存 ) 價格崩潰，不可能會有 iPhone 的出現，始終，微硬盤太耗電，而且不能確保碰撞損壞，最薄的 Mini HDD都有1吋直徑，5公分厚啦，放在手機實在不夠完美。
- 無數心血，研發艱巨的產品，在國內和香港的 iT人努力下，輕易便解了鎖，究竟是
喜，還是悲？說個笑話，幾年前 i-Cable 為防止羅湖的有線電視解碼器影響收入，花了四億研究新機頂合，那知幾日間便被解鎖，D山寨廠好像只用幾粒 e-Cap 就攻破麻省理工博士科技結晶，奈何？
最近新玩意太多了，單鏡反光機都未玩，就多左個咁好玩嘅iPhone，等我得閒D就會買埋個 Apple MacBook Air ( Notebook ) -- 13.3吋屏，64GB solid-state drive / 輕到得1.36KG，超薄0.4 －1.94 公分， 勁帥，勁酷的鋁合金壳，妳話唔追點得？
創世記都話啦： Apple和 Women係分不開的。
|
